mumag > Gedichtauswahl > Groth
mehr Kindergedichte

Klaus Groth

Still, mien Hanne

Still, mien Hanne, hör mi to!
Lüttje Müse piept in't Stroh,
lüttje Vageln slapt in 'n Boom,
röhrt de Flünk un piept in 'n Droom.

Still, mien Hanne, hör mi an!
Buten geiht de böse Mann,
baben geiht de stille Man':
»Kind, wull hett dat Schriegen dan?«

Över 'n Boom so still un blank,
över 't Hus an 'n Heben lank,
un wo he frame Kinner süht,
kiek mal an, wat lacht he blied!

Denn seggt he to de böse Mann,
se wüllt en beten wieder gahn;
denn gaht se beid, denn staht se beid
över 't Moor un över de Heid.

Still, mien Hanne, slap mal rar!
Morgen is he wedder dar!
Rein so geel, rein so blank,
över 'n Boom an 'n Himmel lank.

All in 't Gras de geelen Bloom 'n!
Vageln piept in 'n Appelboom;
still un mak de Oogen to,
lüttje Müse piept in 't Stroh.

Seitenanfang / top

   Tweet

Werbung amazon: Klaus Groth Gedichte - kostenlose Kindle eBooks -
Kindergedichte - Grundschulgedichte -
Gedichtinterpretationen - Gedichtanalysen



Impressum - Datenschutz